ඇය මේ දිනවල ජනප‍්‍රිය රංගන ශිල්පිනියකි. ඒ වගේම රූපවාහිනී නිවේදිකාවක් සිරීගේ ඉරණම ටෙලිනාට්‍යයේත්, සිහින සිත්තරාවි ටෙලි නාට්‍යයේ සම්මානි ලෙසින් ද අප හමුවන එන මේ රුවැත්තිය රුවන්ගි රත්නායකයි. ජීවිතය ලස්සනයි චිත‍්‍රපටයෙන් හා අහසින් වැටුණ ටෙලිනාට්‍යයෙන් කාගේත් කතාබහට ලක් වූ රුවන්තිටත් ක්ෂේත‍්‍රයෙන් වගේම පිටතදීත් අමුතු යෝජනා එනවාද? ඒවාට ඇය දක්වන්නේ කුමන ප‍්‍රතිචාරයක්ද? මේ ගැන ඇයගෙන්ම දැන ගනිමු
ඇත්තටම රුවන්ති, ඔයාට කාගෙන්වත් අමුතු යෝජනා එහෙම එන්නේ නැද්ද?
එහෙම නම් කවුරුවත් අහලා නෑ. දැනට නම් ඇවිත් නෑ. මොකද මා දන්නවා කරන්න ඕනෑ දේ මොකක්ද කියලා. ඒ නිසා අනවශ්‍ය බලපෑම්, යෝජනා, ලිංගික අල්ලස් ඉල්ලන්න එන්නේ නෑ.
ඒ කියන්නේ නිර්මාණයක් කරද්දීවත් ඔයාට එවැනි යෝජනා එන්නේ නැද්ද?
මෙහෙමයි මා හිතන්නේ ඒ කෙනාගේ අනුව තමයි ඒ දේ සිද්ධ වෙන්නේ කියලයි. අනවශ්‍ය දේ වලට ආරාධනා ලැඛෙන්නේ මුලින් ඇය දිහා බලලා තමයි යෝජනා ඉදිරිපත් කරන්නේ. තමන්ගේ දක්ෂතාවය පස්සට දාලා අනවශ්‍ය විදිහට ඒ තැන්වල හැසිරෙමින් කටයුතු කරන්න ගත්තොත්, ඇයව තමන්ගේ පැත්තට ගන්න පුළුවන් කියා ඔවුන් සිතනවා. එතනදී තමයි ඔවුන් ලිංගික බලපෑම්වලට පවා උනන්දු වෙන්නේ.
අලූතින් එන නිළියන් බොහෝ විට ජනප‍්‍රියත්වය ලබාගන්න ඕනෑම දෙයක් කරන්න සූදානම් බවක් පෙනෙනවා. මේ කතාවේ ඇත්තක් තිඛෙනවා නේද?
හැමෝම ඒ ගණයට දාන්න බැහැ. සමහරු අවශ්‍ය වැඬේ කරන්නේ නැතුව ඕන දෙයක් කරන්නම් කියලා. පොඩි චරිත ඉල්ලගෙන මේ ක්ෂේත‍්‍රයට එන අය ඉන්නවා. ඒ අයගේ ගමන කෙටියි. කිසිම කෙනෙක් බලහත්කාරයෙන් අයුතු යෝජනා, බලපෑම් කරන්නේ නෑ. මේ සමහරු කැමැත්තෙන් තමයි යන්නේ ඒ ඉක්මන් ජනප‍්‍රියත්වය ලබා ගන්නයි.
ඒ කියන්නේ මුල වරද්දගත්තොත් ඔක්කොම ඉවරයි කියන එක නේද?
ඇත්තටම ඔව්. ක්ෂේත‍්‍රයට එන මුල් කාලයේ දී, ඒ කියන්නේ අවුරුද්දක් විතර යනතුරු තමයි ඔවැනි ප‍්‍රශ්නවලට මුහුණ දෙන්න සිද්ධ වෙන්නේ. මුලදී වැරදි විදිහට පටන් ගත්තොත් ඉතිං ඉවරයි. ඊට පස්සේ හැමෝම බලන්නේ අයුතු ප‍්‍රයෝජන ගන්නයි. අප රඟපාන්න ආවා නම්, ඒ කටයුත්තට තමයි මුල්තැන දිය යුත්තේ. වෙනත් අනවශ්‍ය දේවල්වලට ගියොත් නරක නාමය වගේම ක්ෂේත‍්‍රයේත් දිගටම රැුදෙන්න ලැඛෙන්නේ නෑ. ඒක තමයි ඇත්ත.
ඔබට මුල වැරදුනේ නෑ නේද?
කොහෙත්ම නෑ. මම මුල වරද්දා ගත්තේ නෑ. අදටත් ඒ හින්දයි කැත නමක් හදාගන්නේ නැතුව මේ ක්ෂේත‍්‍රයේ රැුඳී ඉන්නේ. ක්ෂේත‍්‍රය ගැන හොඳ අවබෝධයකින් තමයි මා කටයුතු කරන්නේ. ඒ හින්දා හැමෝගේම සහයෝගයෙන් රංගනයේ කටයුතු හොඳින් කරගෙන යන්න මට පුළුවන්කම ලැබී තිඛෙනවා. ඒ නිසාම මගේ දක්‍ෂතා අද පෙන්වන්න පුළුවන්. කාගෙන්වත් කතාවක් හැදෙන්නේ නැති විදිහට රංගනයේ
ගරුත්වය මා ලබා දී තිඛෙනවා.
ඔබ රංගන ශිල්පිනියකට අමතරව නිවේදිකාවක් ලෙසටත් කටයුතු කරනවා. ඒ ක්ෂේත‍්‍රයේත් මෙවැනි අමුතු යෝජනා එනවා නේද?
ඔය තත්ත්වය හැම ක්ෂේත‍්‍රයකම එන්න පුළුවන්. ඒක මනුෂ්‍ය ස්වභාවය. මා මුලින් කියූ පරිදි මුල වරද්දාගත්තේ නැතුව ගියොත් ඔවුන්ට වැටහෙනවා අපි එන්නේ අවශ්‍ය කටයුත්ත කරන්න පමණයි කියා. එතනදී ඔවුන් අනවශ්‍ය බලපෑම් කරන්නේ නෑ. අපට ඒ කටයුත්ත කරන්න අවස්ථාව ලබා දෙනවා. නිවේදන ක්ෂේත‍්‍රය තුළත් ඔය කියන අමුතු යෝජනා, බලපෑම් මට නම් ආවේ නෑ. රංගනයට වගේම නිවේදනයටත් මම කැමතියි. ඒ හින්දා තමයි අමාරුවෙන් ඉඩක් හදාගෙන නිවේදන කටයුතුවල නිරත වෙන්නේ.
ඔයා විලාසිතාවලටත් හරි කැමතියි නේද?
විලාසිතා කරන්න ගොඩාක් කැමතියි. හැබැයි අසීමිත ලෙස ඒ පස්සේ පන්නගෙන යන්නේ නෑ. දිනෙන් දින අලූත් වන හැමදේම මම වැළඳගන්නේ නෑ. මම ඩෙනිමයි ටී ෂර්ට් එකට කැමතියි. ඒ වගේම සැහැල්ලූ ගවුමක් අඳින්නත් හරි කැමතියි. මට හිතට අල්ලන විලාසිතාව කරනවා.
මේ දේවල් කරන්නේ පේ‍්‍රමවන්තයාට පේන්නද?
එහෙම පේ‍්‍රමවන්තයෙක් මට නෑ. ගෙදරින් මට නිදහස දීලා තිඛෙන්නේ හොඳ කෙනෙක් හොයාගන්න. ඔවුන් මට බලපෑම් කරන්නේ නෑ. හොඳ කෙනෙක් හමුවුණොත් ඒ ගැන සළකා බලනවා. ප‍්‍රශ්නය තිඛෙන්නේ අද කාලයේ හොඳ කෙනෙක් හොයාගන්න එකයි.
ඔයා මේ දිනවල මොකද කරන්නේ?
මේ දිනවල කොළඹ අහස ටෙලිනාට්‍යයේ රඟපානවා. මුඩුක්කු පරිසරය තේමා කරගත් එහි පාසල් ගුරුවරියගේ චරිතයක් මා රඟපාන්නේ. ඒ අතරේ මා රඟපාන සිරීගේ ඉරණම හා සිහින සිත්තරාවි මේ දිනවල පුංචි තිරයේ විකාශය වෙනවා. හොඳ නරක විවේචන දෙකම එනවා. හැබැයි ඉතිං වැඩියෙන්ම එන්නේ හොඳ ප‍්‍රතිචාර තමයි.