ශාන්ත පීටර්ස්බර්ග්හි කලාකරුවකු වන පැව්ලෙන්ස්කි රෝහල්ගත කර ප‍්‍රතිකාර කිරීමෙන් අනතුරුව පොලිස් අත්අඩංගුවට ගෙන ඇත. ක්‍රෙම්ලිනයේ පදික වේදිකාවට තබා ජනතාව ඇණගසනු ලැබීමට මූලික හේතුව වන්නේ ඒකාධිපති රෙජිමය නොව
ජනතාවගේම පරාජයන් මත ඔවුනොවුන් විසින් ඝනීභූත විම බව ඔහු පවසා තිබේ. එමගින් ජනතාව තමන්ගේ ඉරණම උදාවනතුරු රැඳී සිටින උදාසීන ප‍්‍රතිමාවන් හමුදාවක් බවට පත්වන බව පැව්ලෙන්ස්කිගේ අදහසයි.
අසභ්‍ය හැසිරීම සහ ප‍්‍රසිද්ධියේ නින්දා කිරීම යන චෝදනා මත පොලිසිය විසින් නඩු පවරන ලද නමුත් දිනකට පසුව මොස්කව්හි ට්වෙර්ස්කොයි දිසා අධිකරණය මගින් නිල නිවේදනයකින් තොරව ඔහු නිදහස් කර ඇති බව වාර්තා වේ. එම අධිකරණයේ ප‍්‍රකාශිකා එකැතරිනා කොරොටෝවා පවසා ඇත්තේ ප‍්‍රසාංගික කලාකරුවා සංවිධානාත්මක වරදක් කර ඇතිද යන්න අධිකරණය විසින් සලකා නොබලනු ඇති බවයි.
පොලිසිය විසින් ඉදිරිපත් කර ඇති චෝදනා දෝෂ සහිත බව අධිකරණය විසින් පවසා ඇති අතර යළි චෝදනා පැවරීම සඳහා පොලිසිය විසින් කටයුතු කරනු ඇතැයි පැවසේ.
මේ සඳහා පැව්ලෙන්ස්කි වෙත හිමිවිය හැකි උපරිම දඬුවම වන්නේ දින 15ක සිරගත කරනු ලැබීමකි. ඔහු මින් පෙර පුසි රයට් සාමාජිකාවන් සිරගත කිරීමට විරෝධය දක්වමින් කට මසා ගෙන විරෝධයක නිරතවූ අතර පීඩක නීති ක‍්‍රමය මගින් ඊට එරෙහි වන ඕනෑම ක‍්‍රියාකාරීත්වයක් සපාකනු ලබන බව විදහා දැක්වීමට මේ වසර මුලදී ශාන්ත පීටර්ස්බර්ග්හි ව්‍යවස්ථාදායක සභාවෙන් පිටතදී කටු කම්බි වලින් ශරීරය ඔතා ගනිමින් විරෝධය දක්වන ලදී.
