මෙම සිද්ධියෙන් චෝදනා ලැබ සිටියේ සෙවන හැන්දිගේ සනෝජ් ප්‍රනාන්දු වර්ණ කුලසූරිය, සිල්වගුරුගේ ප්‍රැට්‍රික් මයුර සහ වර්ණකුලසූරිය චරිත් කාංචනමාල යන සැකකරුවන් තිදෙනා වෙති.
කොච්චිකඩේ ප්‍රදේශයේ ඉකුත් වසරේ අගෝස්තු 01 වෙනිදා හිරු ටීවී නාලිකාව විසින්
විකාශය කරන ‘මෙගාබයිට්’ නැමැති වැඩ සටහන වෙනුවෙන් මිහිරි සිරිතිලක මහතාට මරණීය තර්ජනය කරමින් ඔහුගේ බිරිඳට දුරකතනයෙන් කථා කොට කප්පම් ඉල්ලමින් හා මිහිරි සිරිතිලක මහ පාරේ දණගස්වමින් ඒ සියල්ල මෙම කණ්ඩායම රූපගත කර ඇතැයි කොච්චිකඩේ පොලිසිය සැකකරුවන්ට එරෙහිව ගොනුකළ චෝදනා පත්‍රයේ සඳහන්ය.
සිද්ධිය සමථයකට පත් වීමෙන් පසු විත්තිකරුවන් ඇමැතූ මහේස්ත්‍රාත්වරයා නැවත වරක් මෙවැනි දෙයක් නොකරන ලෙසට අවවාද කළේය.