පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරී අජිත් රෝහණ මහතා සඳහන් කළේය.
එහෙත් කැස්බෑ ජීවී මධ්‍යස්ථානයෙන් අතුරුදන්වී ඇත්තේ කිලෝ ග්‍රෑම් නවය හමාරක් පමණ බරැති කැස්බෑවෙකු බවට එහි හිමිකරු විසින් සිදුකළ පැමිණිල්ලේ සඳහන්වේ.
ප්‍රසිද්ධ ගායන ශිල්පියෙකු වන අමල් පෙරේරා මහතා අතුරුදන්වු කැස්බෑවා මිලට ගැනීමට පැමිණි බව පැමිණිලිකරු විසින් මීට පෙර, පොලිසියට ප්‍රකාශ කර තිබු බැවින් අද දිනයේ සොයාගත් කැස්බෑවා පිළිබද පොලිසිය අමල් පෙරේරා මහතාගෙන් විමසා තිබේ.
අද දිනයේ හමුවු කැස්බෑවා තමන් මිලදී ගැනීමට ගිය කැස්බැවා බව අමල් පෙරේරා මහතා විසින් තහවුරු කර ඇති බව පොලිස් මාධ්‍ය ප්‍රකාශකවරයා කියා සිටියේය.
ඒ අනුව අතුරුදන්වු කැස්බෑවා සම්බන්ධයෙන් පැමිණිලිකරු වන චන්ද්‍රසිරි ආබෘ අසත්‍ය තොරතුරු ලබා දී ඇත්ද යන්න පිළිබද විමර්ශන සිදුකිරීමට පොලිසිය තීරණය කර තිබේ.
අදාළ පුද්ගලයා මේ වනවිට රෝහල්ගත කර ඇති බවට ඥාතීන් පොලිසිය වෙත දැනුම් දී ඇති අතර පොලිසියට අසත්‍ය පැමිණිල්ලක් කර ඇති බවට අනාවරණය වුවහොත් ඔහුට එරෙහිව නීතිමය ක්‍රියාමාර්ග ගන්නා බවද පොලිස් මාධ්‍ය ප්‍රකාශකවරයා වැඩිදුරටත් සඳහන් කළේය.